Картоп салынған бүктеме

• қамыр үшін 4 кесе үн
• 4 ас қасық қант
• 2 жұмыртқа
• 1 шай қасық тұз
• 1 ас қасық ашытқы
• 1 кесе су немесе сүт
• фарш үшін 8-10 картоп
• 1 пияз
• 2 ас қасық сары май
• тұз татымына қарай

Картоп салынған бүктеме - тез дайндалатын және дәмді тағам

• 1.Қамыр құймақ құйғандағыдай иленіп, солай ашытылады. Тек өсімдік майы құйылмайды. Содан соң күлшелерге бөлініп, 5-6 минут беті жабылып қойылады да, ұн себілген стол үстіне әрқайсысы дөңгелектеніп жазылады. Жазылған әрбір қамырдың үстіне фарш салынады да жиектері көмкеріліп, шеттері жабыстырылады. Сөйтіп жарты ай формасына келтіріледі.
• 2.Фарш дайындау үшін картоптың қабығы аршылып, пісіріледі. Піскеннен кейін басқа ыдысқа салынып езіледі. Ұсақтап туралған пияз, сары май, тұз салынып, бәрі мұқият араластырылады.
• 3.Сонымен дайындалған бүктеме бүгілген жағы астына қаратылып, қайнап жатқан майға салынады да, аударыстырылады да, аударыстыра отырып, қызарғанша пісіріледі. Бүктемені өсімдік майына қуырған дұрыс.
• 4.Піскен бүктеме кепсермен сүзіп алынып, тарелкаға салынады да, дастарқанға әкелінеді. Ол салқын кұйінде де дәмді.