Қазақша асылған балық

• 1 кг. балық
• 2.5 гр. кесе бидай ұны
• 1 ст. л. шай қасық тұз
• 2 гр. шымшым қара бұрыш
• 1 пияз
• 2 лавр жапырағы
• ұсақтап туралған 1 кесе көк жуа

Балық асу технологиясы да қазақша ет асу технологиясына ұқсас. Ол үшін сүйексіз, ірі, семіз балықтар асылады. Мәселен, Сыр, Ертіс бойының тұрғындары сазан, Жайық бойының тұрғындары қызыл балық, Каспий, Арал жағалауының тұрғындары бекіре, шоқыр, кортпа асады.

• 1.Сонымен қайнап жатқан суға бөлшектеп кесілген балық салынады.
• 2.Бір қайнағаннан кейін қабығы аршылған тұтас картоп, екінші қайнаған соң тұз, бұрыш, аспаз қаласа - лавр жапырағы салынып, одан әрі пісіріледі.
• 3.Піскен балық пен картоп кепсермен сүзіп алынады. Содан кейін қазақша етке салғандағыдай қамыр иленеді де, оқтаумен жазылып, төртбұрыштап немесе кеспе сияқты кесіледі. Қазанның астындағы от күшейтіліп, сорпа сақырлап қайнай бастағанда нан салынады.
• 4.Наны піскеннен кейін жайпақ табаққа кепсермен сүзіп салынады.
• 5.Табақтың жиегіне қатарластырылып картоп қойылады. Содан соң ортасына балық кеспелері салынып, сорпасының бетіне сақиналап кесілген пияз, қара бұрыш салып бұқтырылған тұздық құйылады да, дастарқанға әкелінеді. Ал көк жуа салынған сорпасы кесеге құйылып беріледі.