Қазақша ет

• 750 гр. қой еті
• 1300 гр. жылқы еті
• 1200 гр. сиыр еті
• 2 пияз (түйір)
• 1 ст. л. көк жуа (ас қасық)
• 5 гр. қара бұрыш (бір шымшым)
• 380 гр. ұн (қамыр илеу үшін)
• 100 гр. су (жарты кесе)
• 1 жұмыртқа
• 5 ч. л. тұз (шай қасық)

Қазақша ет - қазақ ұлттық тағамы

• 1.Қазақша ет асу үшін жылқы еті болсын, қой еті болсын, сиыр еті болсын, жуылып салқын су құйылған қазанға тұтас салынада да отты басынқырап қойып, бабымен қайнатылады.Бір қайнаған соң көбігі алынады да, одан әрі ауық-ауық сапырылып қойылады.
• 2.Ет қайнап жатқанда оған салынатын қамыр дайындалады. Ол үшін алдымен еленген ұн шұнғыл ыдысқа салынып, аздап су құйылады да шикі жұмыртқа жарылып, қамыр иленеді. Содан кейін дөңгелектеп күлше қалпына келтіреді де әлгі табақ 30-40 минут төңкеріліп қойылады. Сонда қамыр көтеріледі.Қамыр көтеріледі-ау деген кезде оқтаумен жұқалап (1-1,5 мм) жазылып, 8х8 сантиметр мөлшерінде төртбұрыштап кесіледі.
• 3.Еттің пісуіне 30 минуттай қалғанда қабығы аршылып, жуылған картоп салынады. Картоп та, ет те піскеннен кейін бөлек ыдысқа түсіріліп алынады.
• 4.Сорпаның беті кесеге қалқып алынып, тұз сақиналап туралған пияз немесе көк жуа салынады. Бұрышталып, беті жайпақ шағын тарелкамен жабылып, бұқтырылады.
• 5.Сөйтіп, қазаннын астындағы от күшейтіліп, сорпаға манағы дайындалған қамыр салынып пісіріледі. Қамыр қазанға түсісімен бірден қайнап кетуі тиіс. Сонан соң ғана отын басып қояды.
• 6.Нан піскен соң жайпақ табаққа түсіріп алынады да, үстіне ет салынып, дастарқанға әкелінеді. Ет дастарқан басында қиялай туралып, үстіне әлгі кесеге бұқтырылған тұздық қойылады. Картоп бітеу күйілде табақтың жиектеріне қойылады.
• 7.Сорпа шұнғыл табақпен әкелініп, ет желініп болған кезде, кесеге құйып беріледі.
• 8.Етті үйдін ең кішісі турайды да, үлкендкрге сүйек тартылады.Сонда ет туралып біткенше олар сүйек мүжіп, сорпа іше береді. Қазіргі кезде қала жағдайында ет ас үйде туралып, дастарқанға дайын күйінде әкеледі. Ас дәмді болсын!